„სასკოლო აქტივობების ხელშეწყობის’’ პროგრამა სკოლაში

სსიპ ილია ჭავჭავაძის სახელობის ქალაქ ყვარლის N1 სკოლა როგორც  გასულ სასწავლო წელს, ასევე წელსაც აქტიურადაა ჩართული განათლების, მეცნიერების, კულტურისა და სპორტის სამინისტროს პროგრამაში „ სასკოლო აქტივობების ხელშეწყობა“ . სკოლაში აღნიშნული პროექტის ფარგლებში გაკვეთილები ტარდება სპორტისა და ხელოვნების მიმართულებით. კერძოდ კი, მოსწავლეები ეუფლებიან მაგიდის ჩოგბურთს და ჯვრული და ოქრომკედით ქარგვას.  პროექტის „ძველი ქართული ორნამენტები თანამედროვე აქსესუარებში“ მონაწილეებმა  შეისწავლეს და მოქარგეს საყოფაცხოვრებო ნივთები: ჩანთები, ქუდები, ხელსახოცები, ქამრები. მნიშვნელოვანია პროექტის „ მაგიდის ჩოგბურთი სკოლაში“ ფარგლებში შეძენილი სპორტული ინვენტარი: ჩოგბურთის მაგიდები, ჩოგნები, ბურთები, რაც აღნიშნული სპორტის სახეობის პოპულარიზაციას შეუწყობს ხელს სკოლის მოსწავლეებში.